Mashy.com Blog Beta

بسم الله الرحمن الرحيم

السلام عليكم ورحمه الله وبركاته

فى هذا العصر ومع تجمد المشاعر

كتير بتصادفنا مواقف مؤلمة ..وكمان من اعز الناس

والمواقف دى بتبقى جرح عميق بيعشش جوا قلوبنا ولو

 فى مرة اتذكرنا هذا الجرح

زى ما تقوله كدة الجرح ينزف من جديد

ولكن لو جالك انسان عزيز عليك والانسان دة كان السبب فى جرحك

 من قبل جرحا عميقا

اهـــــــانك

امام اهلك واصدقائك وعملك

ولكنه الآن  نادم على ما فعل ..وانــــت حاسس دلوقتى انه صادق المشاعر

ولكنك تتـــذكر انه تسبب لك بما يكفى من الألم والحرقة

 علشان يخليك وحيـــــــــد محـــدش جمبك  

 يساندك او يخليك تنسى همك

حينها السؤال ..هل كلمة آســـــف بتزيل الجرح ؟؟؟

تعرفوا

انا من وجهة نظرى :

ان  الكلمة دى مش بتمسح الجرح بس انها تكون بمثابة

ضماد له يعنى بتخفف عننا

وبطيبة قلوبنا نصفح عمن اخطأ بحقنا

ولكن جرح عن جرح يفرق

و يمكن كلمة اسف تبرد القلب

لان فى ناس قلوبهم بيضاء ولا يحملون اى حقد اوحسد

وبسرعة ينسون الاهانه والجرح

وفى ناس ولا كلمه اسف ولا غيرها يغير اللى فى قلبهم

لكن الرأى السليم ان احنا لازم نقتدى  بسيرة رسول الله عليه الصلاة والسلام

الرسول كان متسامح مع كل الناس

حتى ابا لهب وامرأته و ابا جهل ..كمان مع اهل مكه اللى اهانوه ووقفوا امام

دعوته

وبالرغم من هذا كله عفى عنهم ..

ودليل آخر ان الله تعالى عز وجل يعفو عن المخطئ ويقبل توبته ولا يمل حتى يمل

المخطئ

فإذن نحن يا عباد ضعفاء لن نسامح ونغفر لمن اساء الينا ؟؟!!

يا جماعه الخير منتظرة رأيكم

تحياتى لكم منسية

السلام عليكم ورحمة الله وبركاته

كيفكم؟ ان شاء الله بخير

الموهيم>>> حلوة الموهيم دى ...اقصد المهم

طبق النهاردة الارز الصينى

هو بجد شهى ولذيذ >>>حتى ريحته طالعه

بس محدش يقولى هاتى ادوق لا لا لا

مستحيل >>> ماتفرطش ابدا فى الرز الصينى

ابقوا اعملوه انتم ..>> وابقوا ادونى طبق ..  

فين الطبق؟؟

آه افتكرت انا لسة مادتكوش الطريقة هههه >>>عندها زهايمر

بيتعمل ازاى بيتعمل ازاى ..افتكرى يا منسية >>دة انتى ناسية نفسك حتفتكرى الطريقة

اها افتكرت >>سقفولى " هى سقفولى بالسين؟"  

الموهيم صورة الطبق اهى :

acookweb.com/images/cookimages/cook399.jpg

المقادير :

رز حسب عدد أفراد العائله

- زبده -

ربيان مقشر ونظيف -

قليل من البيض >>حلوة قليل من البيض دى هههه

- فلفل بارد

- قليل من البازلاء " البسلة"  

- فلفل أسود -ملح ->>>> التوأمان

بهارات -

بصل أخضر

- قليل من الماجي

أسلقي الأرز بالماء وقليل من الملح وقبل أن ينضج بقليل أضيفى قليل من الزبده

أقلي البيض بالمقلاه

ثم قطعيه قطع صغيره

أحضري قدر أخر>>احضرتى ولا لسة؟

طيب

وبعدين حمري البصل مع الماجي بعد تقطيعه قطع صغيره بالزبده

وأضيفي الربيان والفلفل الأسود والبهارات وقليل من الملح

ثم غطي القدر كي ينضج الربيان

وفي النهايه أضيفي اليه البازلاء

والآن أخلطي الأرز المسلوق مع البيض والربيان مع بعض

وعند التقديم أضيفي الفلفل البارد اليها بع تقطيعه شرائح وصحتين وعافية

اعزائى المشاهدين النهاردة انتهت حلقتنا .. وانتظرونا مع حلقة كديدة واكلة كديدة

فى برنامجكم مطبخ تعب قلبى ...

معانى المفردات:

قدر= حلة

روبيان = جمبرى

بيض = ايج "egg" 

كديدة = جديدة

وتابعونا

تحياتى اليكم : الشيف منسية

كثــير ما أسمع أو كثـير ما يقال عنــا .. بأننا جيــل فاشل

شباب هذه الأيام ( ما فيهمش خير ) ..

(يا ريت أيام زمان ترجع ... )

هذه المقولات وغيرها نسمعها كثيرا تتردد في مجالس الكـبار

دايما يرون ان الجيل دة لا يصلح لتحمل المسئولية

وأن زماننا في كل أطرافه زمان لا يصلح للمعيشة

فهل نظرتهم صحيحة أم أنها جائرة ؟؟

وهل يخلو عصرنا من كل شيء جميل لهذه الدرجة التي

 يرونها ؟!

من رأيى

دايما بين الورود الجميلة تطلع شوكة

والشوكة هى >>يظهر انه شوك مش شوكة واحده هههه

جيل المطربين والمطربات فاشل

جيل قنوات الاغاني والمسجات فاشل

جيل استار اكاديمى فاشل

جيل البايسن والابيض فاشل

جيل خل الدماغ صاحي الحشاشين فاشل

جيل الخنافس وبتوع الجل فاشل

جيل المياعه فاشل

جيل الجنس الثالث والرابع فاشل

جيل المقاهي والاستراحات فاشل

جيل الوجبات السريعه فاشل

جيل الربا واكل اموال العباد بالباطل فاشل

جيل النكبه فاشل

اتذكر الآن احمد ذكى فى مسرحية العيال كبرت

لما قال لباباه: احنا جيل الطلائع يا بابا...فرد الاب :

طب وعليا الطلائع ما انتوا نافعين فى حاجه هههههه

*بس الرسول عليه الصلاة والسلام قال فيما معناه:

" الخير في وفي امتي الى يوم القيامه"

يبقى زى ما فى ناس مش بيقدروا الدنيا دى وغافلين عن

 الحياة الحرة الكريمة

اكييييد فى ناس كتير كويسين شيوخ وعلماء ومواطنين

 عاديين و..الخ

يا جماعه الخير  الكون مش حيتغير بقدرة قادر وبس

لا دة حيتغير لما احنا نريد ان احنا نتغير

لو عايزين نتغير حنتغير ولو لا يبقى ولا عمرنا حنفلح

كل واحد لو صلح من نفسه ولو حاجة بسيطة اكيد

الكون حيتغير

ولا ايه؟

وانا اولكم باذن الله حغير من نفسى الى الاحسن

نعيب زماننا والعيب فينا وما لزماننا عيب سوانا  

هاا ايه رأيكم

قل رأيك وبكل صراحة

تحياتى لكم : منسية

بدأت الامتحانات الاسبوع دة ولله الحمد ربنا وفقنى وعقبال الامتحانات اللى

 جاية ..المهم سيبيك يا منسية من الامتحانات والقرف دة

ان اللى فى بالى اهم ...اسئلة بتدور فى بالى كتير كل يوم وكل ساعه

يا ترى انا ايه هدفى فى الحياة ؟>>>انتى اصلا حتى هدف

انا عايشة ليه؟ هل انا راضية بنفسى وحالى؟ نسبة رضايا عن نفسى كام فى المية ؟

ايه الجمله اللى برددها دايما ؟ وغيرها وغيرها

يمكن هدف كل طالب انه يخلص السبق اللى هو تايه فيه دة"الدراسة"

ويشتغل شغلة معينة واغلبية الاطفال يتمنون انهم يصيروا دكاترة او مهندسين او

ضباط ...لكن مش دة هدفى.يا ترى هدفى ايه مش عارفة

يمكن هدفى انى انطق الشهادتين قبل ما اموت وخلاص علشان ادخل الجنه ، بس

 دة غلط الواحد مش ضامن حيموت ازاى وامتى وفين

وبعدين اضمن منين ان ربنا يتقبل منى ..  ..يبقى لازم احط هدف ليا من دلوقتى

الصراحة انا فكرت وعرفت ميولى واتجاهاتى ايه

انا شاطرة فى اللغات جدا ولله الحمد وبحفظ قرآن واحاديث كتير وان شاء الله

اختمه ..يبقى ينفع اجمع الاتنين فى عمل اتمنى انى احققه ..وهو انى اصير داعية

 للدين الاسلامى باللغات

يعنى ادعو الاجانب لديننا ..يمكن اقدر اساهم فى هدايتهم والله يهدى من

يشاء..ربنا يهديهم

يا رب يسهل

المهم طيب انا ليه عايشة؟ اكيد علشان اعبد ربنا واعمر الارض دا اللى كل واحد

 انخلق علشانه طيب يا هل ترى انا بعبد ربنا كويس؟

يا هل ترى انا برضيه مية مية وهو مبسوط منى ..؟ يا رب ..لا لأن مفيش مخلوق غير نبينا محمد عليه الصلاة والسلام معصوم من الخطأ

يبقى لازم احاسب نفسى اول بأول واعرف اللى بعمله دة صح ولا غلط

هل انا بعمر الارض دلوقتى..لا ..بس يمكن اعمر ولو شبر منها بعدين

ايه التفاؤل دة؟هههههه بس صدقونى لو كل واحد فينا غير من الكون اللى حوليه وغير من نفسه ولو جزء صغير اكيد الكون فى يوم من الايام بيتغير..ان شاء الله

انا الحمد لله راضية بحالى بس ساعات لا ..بس برجع واذكر نفسى ان فيه ناس تتمنى انها تكون مكانى واحمد ربنا بعدها وبعد ما اندم ...

نسبة رضايا عن نفسى هى 80 %

لانى مقدرش اقول 100% لأن مفيش انسان مميز بلا عيوب وان شاء الله بصلح من نفسى اكتر واكتر واخلى رسول الله قدوتى فى دنيتى وآخرتى ..

الجملة اللى برددها دايما " وقرن فى بيوتكن " ههههه مش عارفة ليه ..

المهم انى صدقت معكم

وموضوعى دة يمكن يكون تعريف بنفسى لكم ..او اعتبروه زى ما تعتروه المهم تقرأوه وتقولولى رأيكم بصراحة لأن دة اول مدونة اكتبها

ومنتظرة انتقاداتكم  وتعليق عمو صالح ومش انا اجى حضرتك تمشى كدا الناس حتقول اذا حضرت الشياطين ذهبت الملائكه...سلامى وتقديرى لكم: منسية

 السلام عليكم ورحمه الله وبركاته

انا عضوه جديده واسمى منسيه وانا اخت سومه_87 قمت بمتابعة كتاباتكم لفتره اراقبكم عن بعد حتى تشجعت وقررت الانضمام لكم رغم صغر سنى فانا ابلغ من العمر 13 عام وارجوا ان تعتبرونى اختكم الصغيره

مع سلامى وتقديرى منسيه